🔷 𝐒𝐮𝐛𝐬𝐜𝐫𝐢𝐛𝐞 𝐍𝐨𝐰 🔶https://bit.ly/2ZKGV99

🔷نبذه عن البرنامج🔶
يقدم برنامج قطايف لسامح حسين محتوى هادفا يتناول القيم الإنسانية والمفاهيم الأخلاقية المستمدة من الدين الإسلامي، في إطار بسيط يسهل على الجمهور التفاعل معه.

يرتكز قطايف، على تقديم رسائل إيجابية من خلال قصص ومواقف حياتية تعكس المبادئ السامية مثل الصدق، والرضا، والتسامح، والحب الصادق.

يحرص سامح حسين في كل حلقة على تقديم رسالة تحمل طابعا إنسانيا، مستخدما لغة سهلة وأسلوبا مشوقا، ما يجعل قطايف إضافة مميزة لخريطة البرامج الرمضانية.

🔷إسكريبت الحلقة🔶


🔷مقدم البرنامج🔶
سامح حسين (16 ديسمبر 1985 -)، ممثل مصري.
درس في كلية الحقوق والأداب المصرية قسم مسرح، كما تخرج من مركز الأبداع بدار الأوبرا، اشتهر بخفة دمه وقدرته المدهشة على اضحاك الجمهور. بالرغم من أن الفنان سامح حسين قام بالعديد من الادوار الصغيرة في السينما أو على التلفزيون.

قام بأول ظهوره في فيلم «الحكاية دول حكاية» للفنان راغب علامة عام 1999، وقام بدوره في الفيلم «طارق» زميل أحمد.
كانت بدايته الحقيقية في مسلسل السيت كوم المصري راجل وست ستات بتقديمه دور رمزى الشاب الغبي الساذج ابن عم (عادل) (قام بدوره أشرف عبد الباقي)، حيث احبه الجمهور جدا واشتهرت جملته الشهيرة بالمسلسل دووولة حبيبى وأصبح أحد النجوم الأساسين في نجاح المسلسل. وزاد المسلسل من شهرته فقام بالاشتراك في العديد من الافلام وقام بمشاركة البطولة مع أحمد مكي في فيلم إتش دبور.

جائزة أحسن ممثل صاعد في مهرجان القاهرة للإعلام العربي عن مسلسل راجل وست ستات عام 2008
جائزة الدير جيست أحسن ممثل كوميدى تلفزيونى عن مسلسل عبودة ماركة مسجلة عام 2009
جائزة ART أحسن ممثل كوميدي عن مسلسل عبودة ماركة مسجلة عام 2009
جائزة الدير جيست احسن ممثل كوميدى تلفزيونى عن مسلسل اللص والكتاب عام 2010
الجائزة الذهبية لمسلسل اللص والكتاب كأحسن مسلسل اجتماعى في مهرجان الاعلام العربي بالأردن عام 2010

🔷تقدروا تشوفوا الحلقة اللى فاتت 🔶



🔶وباقى حلقات قطايف من هنا 🔷
https://www.youtube.com/playli....st?list=PLS4AHyAvpjO


برنامج قطايف الحلقة ...
قطايف سامح حسين
Qatayef Sameh Hussien

🔶تابعونا على🔷
https://www.instagram.com/samehhusseinofficial
https://www.tiktok.com/@sameh_hussien
https://www.facebook.com/SamehHussein

#سامح_حسين #قطايف #sameh_hussien #qatayef

رمضان 2025
#قطايف
وألقيت عليك محبة مني
واحد صاحبي كان عنده إنترفيو في شركة ، وكنت قايله يكلمني بعد ما يخرج عشان يطمني عمل ايه ، أصلي عارفه مبيسترش ..
المهم سألوه ، بتعرف تتكلم انجليزي كويس ؟ قالهم واتكلم انجليزي ليه ، هي الشركة ليها فروع في نيويورك ؟ دا انتو في طلعت حرب ..
قالوله طيب بتعرف تشتغل تحت ضغط ، قالهم آه بس بشتم ..
قالوله طيب ممكن تشتغل أوفر تايم ، قالهم آه بس بحسبن ..
قالوله طب بتغيب كتير ؟ قالهم على حسب ، أنا لسه مش عارف خالي هيموت كام مرة في الشهر ..
قالوله طب عندك خبرات سابقة في الشغل ؟ قالهم ولما انا هجيلكم بخبراتي ، إنتوا هتضيفولي إيه معلش يعنى ..
بس ، وخلص الإنترفيو .. وانا مش هقولك إيه النتيجة ، أنا هسيبك انت تتخيل ..
انت هتتخيل سيناريوهات كتير أوي ، قالوله تمام سيب رقم تليفونك وهنبقى نكلمك ، وطبعا محدش كلمه ولا هيكلمه ..
قالوله انت مرفوض وادوهاله في وشه صايمة .. جابوله الأمن يرميه في الشارع .. أي سيناريو ممكن تتخيله هيكون واقعي إلا سيناريو واحد ، إنهم يقبلوه في الوظيفة عشان صريح واللي في قلبه على لسانه ..
ربنا سبحانه وتعالى وهو بيعد أفضاله على سيدنا موسى قاله حاجة عظيمة أوي قاله : ﴿ وَأَلْقَيْتُ عَلَيْكَ مَحَبَّةً مِّنِّي ﴾
عارف ليه قاله كدا ؟ علشان كل الظروف الطبيعية كانت بتقول ان المنطقي فرعون يكره سيدنا موسى من أول لحظة ، ويقتله كمان ..
أصل واحد معاه نبوءة ان فيه طفل هيتولد وهيقضي على حكمه ، وبدأ بالفعل يقتل كل الأطفال الذكور ، وفجأة لقى البحر جايبله صندوق ، بيفتح الصندوق دا لقى جواه طفل ولد فحبه علطول ، علشان كدا ربنا عدها على سيدنا موسى كمعجزة ، ان المحبة كانت من غير أي سبب ، دي من عند الله ، والمعجزة دي زي ما حضرتك عارف وانا عارف حاجة مبتتكررش كتير ، فمينفعش تراهن عليها ..
كل علاقة بتدخلها في حياتك تقدر تعتبرها وظيفة بتقدم عليها ، لازم تثبت كفاءتك ، وتقدم أحسن ما عندك علشان تتقبل ، محدش مضطر يستحملك بكل عيوبك - اللي انت مش ناوي تصلحها - وحط الجملة دي بين قوسين عشان دي منطقة تلاعب .. هيطلع ألف واحد يقولك اللي بيحبك هيحبك بعيوبك ومزاياك ، دا صح ، إذا كانت العيوب دا قهرية ، متقدرش تغيرها ، أو عيوب بسيطة تعدي ، مش مؤذية يعني ، وإذا كنت انت حاولت كتير تصلح العيوب دي ومقدرتش
لكن عيوبك اللي اخترتها بنفسك ومصمم عليها ، مش من حقك تفرضها على حد ..
علشان حد يحبك بدون أي سبب للحب ، أو بمعنى أصح عشان حد يحب شخص ميتحبش ، دي حالة محتاجة حل من اتنين عشان تتحقق ، يا معجزة ، يا حد عنده خلل في منظومة المشاعر والإدراك ، لكن في الظروف الطبيعية دا مش هيحصل ..
زي ما كل واحد فينا بيجتهد ويشتغل على نفسه وياخد كورسات علشان السي في بتاعه يبقى مليان ويقدر يقنع بيه أي مكان عايز يشتغل فيه ..
برضو محتاجين نشتغل على نفسنا شوية ، علشان سي في شخصياتنا يبقى مقنع للناس اللي بنتعامل معاهم ..
وزي ما المنافسة في سوق العمل شرسة ، المنافسة في سوق العلاقات برضو شرسة ، ومفيش حد مالوش بديل ..
إنسى الحِجّة بتاعة أنا كلامي دبش بس اللي في قلبي على لساني ، يا ريت تخليه في قلبك ياسيدى ومتقولوش لأن دا مش عذر ، من حق الناس اللي بتتعامل معاهم انك متجرحش مشاعر أي حد فيهم بكلمة كدا وللا كدا ..
إنسى حكاية أنا عيني زايغة بس بحبك انتي ، من حق الإنسانة اللي في حياتك إنك تحترم غيابها قبل حضورها ..
يا جماعة أنا عايز أقول إن تصحيح الأخطاء أسهل بكتير أوي من تبريرها ..
الوقت والمجهود اللي بتحتاجهم في كل مرة علشان تبرر عيب في شخصيتك مش عايز تغيره أو خطأ متعود تعمله ، أكبر بكتير من الوقت والمجهود اللي هتشمر فيهم إيدك وتدخل على المشكلة وتتعامل معاها ..
محبة الناس شيء جميل ، نعمة من نعم ربنا ، علشان تَحصُل عليها انت محتاج تجتهد شوية ، محتاج تغير حاجات في نفسك ، أو على الأقل لو مش هتقدر تغيرها ، تعتذر عنها ، وتقدم تعويضات ..
يعني لو مبتعرفش تقول كلام حلو ، اعمل تصرفات حلوة ..
مبتعرفش تواسي ، طبطب .. لو عيبك انك عصبي ، حاول تغيره .. معرفتش تغيره ، اعتذر عنه ..
لكن انك تدور على حد يحبك زي ما انت كدا من غير ما تجتهد ولا تحاول تشتغل على نفسك ، هتبقى عامل زي صاحبي اللي حكيتلك عنه كدا ، مستني الشركة تقبله من غير ما يقدم أي حاجة ..
خليك فاكر ان قلوب الناس زي بيوتها ، لو ناوي تدخلها لازم تحترم حق الضيافة ..
وكل سنة وانتم طيبين ..

رمضان 2025
#قطايف
الحلقة السابعة
ريموتك في ايد مين ؟
في أي بيت أو سكن طلبة ، أو أي مكان بيعيش فيه أكتر من شخص ، لو انت لسه داخل المكان دا لأول مرة وعايز تعرف مين كبير القعدة دي ، أو مين اللي مسيطر في المكان دا ، متتعبش نفسك كتير وتقعد تدور وتفكر ، هو فيه اختبار واحد صغير أوي هتعرف منه مين أكتر حد مسيطر في المكان دا ، الاختبار دا اسمه اختبار الريموت .. اللي معاه ريموت التليفزيون هو أكتر حد مسيطر في البيت ، واللي عنده أطفال من حضراتكم هيفهم كلامي دا كويس أوي ، الأطفال هم اللي في الغالب معاهم الريموت ، وكلنا بنتفرج معاهم على كرتون إجباري ، دا انا أنثى السنجاب خدت مني راقات ..
أصل هي برضو ظاهرة غريبة شوية ، يعني إيه حد بيخليك تتفرج على حاجات مالكش فيها علشان هو عايز يشوفها ، يعني يخليكي تشوفي ماتشات كورة وانتي مش عايزة ، أو انتي تخليه يشوف مسلسلات تركي وهو مش عايز ، ما هي حاجة من الاتنين ، يا اللي في ايده الريموت شخصيته قوية أوي ، يا انت بتحبه أوي ، وفي الحالتين هو هيكون ليه تأثير على أفكارك ، عشان انت ذوقك مع الوقت هيتغير وهيبدأ يتقبل الحاجات اللي بتتفرج عليها .. اللي فات دا كان مقدمة لموضوع الحلقة ..
فخلينا نقفل الصفحة دي هنا ونتكلم في موضوع تاني .
انت متفق معايه إن كل مجال ليه نجومه ؟
يعني مش هنعرف نتكلم عن التمثيل من غير ما نجيب سيرة أحمد زكى .
مفيش حد مهتم بالكورة أو حتى كل معلوماته عنها انها مدورة ميعرفش محمد صلاح .
كلمة مطرب لو مجابتش في دماغك عبد الحليم حافظ هتجيب مين ؟
الشيء الذي يدعو للتأمل بقى ان كل الأسامي دي مطلعتش من الفراغ كدا ، دول أكيد طلعوا وسط ناس كتير .
يعني محمد صلاح وهو رايح التمرين بتاعه في المقاولين ، وبيشتري علبة الكشري ام ٢ جنيه اللي بيملاها شطة ودقة عشان يزود الكمية ويشبع ، أكيد مكانش لوحده ، كان معاه زمايل كتير ، فيه منهم اللي في نفس ظروفه وفيه اللي أحسن منه .
أحمد زكى وهو بيتنطط بين مسرح المعهد ومسارح الدولة عشان مخرج يشوفه ويديله فرصة كان ليه زمايل تانيين بيطاردوا الفرصة زيه .
عبد الحليم حافظ مش الشاب الوحيد اللي جه من الشرقية للقاهرة عشان يغني .
كل واحد من دول وغيرهم كان عنده مشوار طويل أوي ، قابل فيه اللي أحبطه واللي اتريق عليه واللي قاله يعني انت هتبقى ايه يا اخويا ؟!!
لا أستبعد ان محمد صلاح مثلا في يوم من الأيام حد اتريق عليه وقاله انت فاكر نفسك هتبقى رونالدينهو
ممكن ميكونش قاله رونالدينهو بالتحديد يعني ، يمكن قاله مارادونا وللا بيكيه لكن الأكيد انه سمع جملة من العينة دي . لكن خلينا متفقين ان ابو صلاح حقق نجاحات كلنا فخورين بيها دلوقتي ، وبقى بينافس كل عظماء اللعبة دي في التاريخ مش اللي موجودين دلوقتي بس ..
كل شخص ناجح عنده مشهد متكرر في حياته وقف فيه مع نفسه مليون مرة وفكر يبطل ويشوفله حاجة مفيدة يعملها .
كل واحد في الأسامي اللي ذكرتها وراه قصة طويلة منعرفش منها غير آخر لقطة ، ووراه ناس كتير كانوا ماشيين معاه أو ماشيين قدامه ، سبقهم كلهم .. ومنهم اللي اتنسى ومنهم اللي محدش عرفه أصلا . ومنهم اللي رجع من أول الطريق
هل الموهبة لوحدها اللي فرقتهم عن بعض ؟
هل أحمد زكى ومحمد صلاح وحليم هم أكتر ناس موهوبين في جيلهم والأجيال اللي بعدهم واللي قبلهم ؟
طب هل الجهد والتعب بس ؟ هل مفيش حد تعب أكتر منهم وموصلش لحاجة ؟
شوف .. انا مؤمن دايما ان المحرك الأول لكل شيء بيتحرك في الكون هو إرادة الله ، ربنا عايز دا يحصل فبيحصل ، لكن هل إرادة ربنا تعفينا من المسؤولية ؟ مكانش بقى فيه جنة ونار .
السؤال بطريقة تانية ؟
هل لو قدرت توفر نفس الظروف بالظبط لمجموعة من البشر ، هيوصلوا لنفس النتايج ؟
الإجابة لأ طبعا .. طب ليه مع إن الظروف تطابقت ؟ أقولك عشان العقليات اختلفت .
مفيش مثال أوضح للتطابق البشري أكتر من التوائم ، اتنين اخوات عاشوا مع بعض في نفس الوقت جوا بطن نفس الأم ، اتولدوا في نفس اليوم واخدوا نفس الشكل ، وفي أحيان كتير نشأوا في نفس الظروف ، ومع ذلك هل كل توائم العالم تشابهت مصائرهم زي ما تشابهت ملامحهم ؟ الإجابة برضو لأ .. علشان العقلية . والدليل " فطين و ميشو "
كل إنسان من وقت ما بيدخل الحياة لحد ما يخرج منها بيمر بسلسلة من الصراعات ، لكن دايما صراعه الرئيسي مع عقله ، مع أفكاره .
فيه واحد بيتحدف بطوبة يرجع عن طريقه ، وواحد تاني بيتحدف بألف طوبة ، يجمعهم ويبني بيهم برج عالي يقف جواه فوق كل اللي حدفوه بالطوب .
دماغك هي اللي بتحركك ، علشان كدا مينفعش تسيب الريموت بتاعها في إيد حد غيرك .
لو انت إنسان حظك حلو هتقابل كل يوم عدو جديد .
لكن لو انت إنسان سيء الحظ هتواجه كل يوم ١٠ أفكار بس قادرين ينسفوك من جواك .
انت لازم تتحكم في دماغك كويس أوي ، وتسيطر على أفكارك بإيد من حديد قبل ما تحاول تبدأ في أي حاجة .
لازم تراجع باستمرار كل تصوراتك القديمة .
هل معلوماتك عن نفسك صح ؟
هل فكرتك عن قدراتك مظبوطة ؟
هل رؤيتك للحدود والحواجز اللي قدامك رؤية حقيقية وللا مضللة ؟
هل دماغك بتشتغل معاك وللا ضدك ؟
ودا السؤال الأهم . وكل سنه وانتم طيبين ..

رمضان 2025
#قطايف
الحلقة السابعة
تشتغل مندوب ؟
زمان واحنا عيال صغيرة ، كان فيه نوع معين من الضيوف نحبهم ونفرح أوي لما يبعتونا نجيبلهم حاجة .
عمك السخي ، الكريم ، أبو إيد فرطة ، اللي يديك عشرة جنيه تشتريله حاجة ويقولك خد الباقي عشانك .
الشخص دا كانوا أطفال البيت بيميزوه بسرعة وبيتسابقوا مع بعض عاللي هتجيله الفرصة ويروح يجيبله الطلب اللي هو عايزه .
لو بدأت تتعامل مع فلسفة الصدقة بنفس الطريقة تبقى حطيت إيدك على وظيفة أرباحها خيالية ، ركز معايه في الكلام اللي جاي بقى عشان هنتكلم في فلوس .. أيوه سيب اللي في إيدك وبصلي هنا ..
لما تسمع أو تقرا أو يجيلك خبر بأي طريقة من الطرق ان فيه حالة معينة محتاجة مبلغ معين ، لازم تتعامل مع دا على إنه أوردر جايلك من ربنا ، خليك ناصح واخطفه انت بدل ما يروح لغيرك .
إنت مبتديش حد حاجة من جيبك ، ثق في دا تمامًا ، الفلوس فلوس ربنا ، وهو بيك أو من غيرك هيوصلها لصاحبها ، هو بس عشان بيحبك بعتك انت بيهم ، تكريمًا ليك ، وعشان يحليلك بؤك .
بلاش تشغل دماغك علشان خاطرى وتقول هو انا حيلتي حاجة ، دا مرتبي بيكفيني بالعافية .
عشان يا حبيبى زي ما ربنا وصلك الفلوس دي ، هو قادر يوصلها لصاحبها عادي ، سواء عن طريق واحد غيرك أنصح منك هيقرا الرسالة ويفهمها ، أو حتى من غير وسيط خالص .
ربنا بيرزق من غير سبب عادي جدا ، اتشعبط انت بقى في الفرصة وقوله يا رب المشوار دا يلزمني ، عشان محدش مستفيد من القصة دي كلها غيرك .
لا ربنا هياخد حاجة منك ، ولا عباد ربنا اللي هتتصدق عليهم هياخدوا حاجة منك ، انت اللي هتاخد مكسب من غير مقابل .
عشان كدا أسيادنا الكبار اللي كانوا فاهمين الزتونة وعارفين الحكاية دايرة ازاي ، لما كانوا بيدوا صدقة لحد كانوا بيبوسوا إيده ، عشان عارفين انه هو اللي صاحب فضل عليهم .
لو انت بقى اعتبرت نفسك مندوب توصيل ، بتوصل أمانات ربنا لعباده وتاخد مكافئتك ، قابل الخير اللي هتشوفه ، صدقني والله العظيم أحسن وظيفة مضمونة وأمان ومربحة فوق ما تتخيل .
وهنروح بعيد ليه ، انت عندك كام صاحب في دايرتك ؟ 10 ؟ 20 ؟
تعرف النهارده تلف عليهم كلهم وتسألهم كام مرة في حياتهم حصل معاهم انهم طلّعوا صدقة لوجه الله من هنا ، والخير نزل يرف عليهم بعدها من هنا ؟
هتلاقي اللي يقولك كان عندي مشكلة مستعصية ، اتحلت من عند ربنا بعد ما اتصدقت ..
واللي يقولك كنت مديون وسددت ، واللي يقولك بنتي كانت عيانة وربنا شفاها ، المشاكل اللي هتسمعها كتير ، بس الحل كان واحد ، الصدقة .. الناس دي مشاكلها اتحلت لأنها اشتغلت عند ربنا ، وشوف انت بقى لما تشتغل عند ربنا ، مكافآت وحوافز وتأمينات ، وحلول لكل مشاكل حياتك ..
والفرصة قدامك ، وباب التعيين مبيتقفلش ، عايز تشتغل مع ربنا بالقطعة ، كل ما تحصلك مشكلة وللا تحتاج منه طلب ، تقوم تطلع صدقة ، هو كريم ومش هيكسفك ..
عايز تبقى ناصح وتشتغل معاه على طول ، وانت معاك أو مش معاك ، هتكسب أكتر بكتير ..
من مزايا الاستثمار في النوع ده إنه دايمًا كسبان ، عشان صاحب الاستثمار هو اللي عايزك تكسب ، فاتحلك أبواب المكسب على البحري ، يعني مش لازم تتصدق بفلوس خالص .. ممكن عندك معلومة متكتمهاش عن حد وخلي غيرك يستفيد منها ، دي صدقة ..
لو حد قصدك في خدمة وانت تقدر تعملها اعملها وهتتحسبلك صدقة ..
ممكن تتصدق بوقتك لما تروح تسأل عن واحد مريض ، أو تواسي واحد عنده مشكلة .. وممكن تتصدق بكلامك الحلو لو شوفت حد بيقدم محتوى هادف أو عامل مشروع على قده ودخلت كتبتله كلمتين حلوين يدعموه ويساعدوا في نجاحه
يا أخي دا حتى البسمة في وش الناس صدقة ، هو فيه سهولة أكتر من كدا ؟
هترجع في الآخر تحسبها هتلاقي ان الانسان اللي أسعدته أو اللي اديته قرشين أو اللي ساعدته بمعلومة ، ربنا هو اللي بعتله الخير دا ، وكنت انت المندوب اللي وصلّه الخير ، تفتكر اللي يشتغل مندوب عند ربنا ممكن يكسب قد إيه ؟ فكر فيها انت براحتك .. وكل سنة وانتم طيبين ..

رمضان 2025
#قطايف
الحلقة السادسة
باكيدج واحدة
واحد صاحبي كان عنده مشاكل كتير مع مراته وكانوا قريبين أوي من الطلاق ، خصوصا ان أهله كانوا بيضغطوا عليه جامد عشان يطلقها ( ربنا يقدرهم على فعل الخير يعني )
المهم ربنا سهل الحمدلله والمشاكل دي اتحلت ، واتصالح هو ومراته ، في مرة بسأله انت رجعتها بقى عشان بتحبها ؟ قالي والله مش عارف بحبها وللا لأ ، بس هي ست طيبة ، تخيل ياسامح دي بتحط بقدونس كتير في السلطة مع انها مبتحبوش بس عارفة اني بحبه .
للحظة كدا كنت هتعامل مع اللي قاله دا على إنه إفيه ، وبعدين اكتشفت ان الراجل الطيب دا وصل لمستوى عالي جدا من النضج ، قدر يلاقي في تفصيلة بسيطة أوي - يمكن معظم الناس مياخدوش بالهم منها اصلا - سبب لاستمرار عشرته مع مراته ، قدر يلاقيلها ميزة من الآخر .. والمركب مشيت ، بالبقدونس .. عمرك شوفت مركب بتمشي بالبقدونس ؟
عايز اقولك لو لسه بتدور على سوبر وومان ادخل نام احسن وريح نفسك من التدوير . وأنت أصلاً مش سوبر مان .
كل واحد فينا عايز يتجوز واحدة : حلوة وحنينه وفاشونسته بس محتشمه وإجتماعية ومالهاش غيرك ورومانسية بس مالهاش في الهدايا ومابتشتغلش وبتساعدك في مصاريف البيت وصاحبة موقف وليها شخصية بس تسمع الكلام من سكات ، المفاجأة بقى ان الكوليكشن دا عشان تجمعه كله انت محتاج تتجوز مش اقل من 12 ست ، ودي حاجة لا الشرع ولا القانون ولا العقل ولا مرتبك هيسمحوا بيها .
مراتك الرومانسية ممكن تبقى قمّاصّه ، والعاقلة ممكن تبقى عصبية ، والحنينة ممكن تبقى نكدية ، والفرفوشة ممكن تبقى زنانة ، والذكية ممكن تبقى مبتحبش المطبخ .
خد منها اللي انت حابه فيها واحمد ربنا عليه والباقي أتعامل معاه برحمه .
وخد بالك ان فيه مزايا كتير اوي ممكن تكون في شريكة حياتك وانت عمرك ما شوفتها ، عارف ليه عمرك ماشوفتها ؟ عشان انت قافل عينك بالعيوب ومنكد على نفسك وعليها .
لو بتتصالح اول ما تقولها انا آسف ، دي ميزة .
لو مبتخرّجش أسرار البيت برا .. دي ميزة .
لو بتعرف تختارلك لبس حلو .. دي ميزة .
لو بتعملك كوباية شاي وانت قاعد تتفرج على الماتش من غير ما تطلب منها .. دي ميزة .
لو مسجلة نمرتك على تليفونها " حبيبي " .. أو لا قدر الله حاطة صورتك باك جراوند .. دى ميزة .
لو بتقعد تتفرج معاك على فيلم هي مبتحبوش بس انت بتحبه .. دى ميزة .
لو بتفرح بالهدايا اللي انت بتجيبهالها وتعتز بأي حاجة من ريحتك .. ميزة .
لو بتوفر من مصروف البيت وتلاقيها كل فترة بتشتريلك شوية شرابات جديدة أو غيارات أو حاجة من الحاجات اللي انت بتكسل تنزل تشتريها .. ميزة .
لو مراتك من النوع اللي بينسحب في أول الخناقة عشان متكبرش الموضوع .. ميزة .
لو كلَّمت أهلها وانتوا متخاصمين ومقالتش لحد انك مزعلها وخلت اللي بينك وبينها بينك وبينها وبس .. ميزة .
يا أخي لو مراتك بتصون عَرضك دا كفاية عشان تشيلها فوق دماغك .
الكمال لله وحده خليك متأكد من دا طول الوقت .
والعلاقات بتستمر بالتغافل مش بالتصيد ، واللي عايز يحب حد هيلاقي مليون سبب عشان يحبه .
واللي عايز يكره حد .. سبب واحد كفاية اوي عليه .. وهيلاقيه عشان مفيناش حد معندوش أخطاء .
وعشان كدا سيدنا النبي عليه الصلاة والسلام قال إيه ؟ " لَا يَفْرَكْ مُؤْمِنٌ مُؤْمِنَةً ، إنْ كَرِهَ منها خُلُقًا رَضِيَ منها آخَرَ "
ومعنى الحديث انك مينفعش تكره مراتك كدا كلها على بعضها ، مينفعش قصاد غلطة أو مشكلة تردم على كل حاجة حلوة ، بل إنك أصلا مطالب تدور على الحلو اللي فيها وتشوفه ، زي ما عينك راحت على العيب اللي فيها لازم تلاقي حاجة كويسة قصاده تشيله ، عصبية بس قلبها ابيض ، نكدية بس دمها خفيف ، طلباتها كتير بس مهتمة بيك ومراعية ولادك ، بتزعل لأتفه الأسباب بس بتعمل محشي ورق عنب حلو ، أي حاجة بقى دي مسؤوليتك انت ، أي عيب تشوفه دور فورا على ميزة تشيله ..
الحلوة لازم تشيل الوحشة يا صاحبي ، والإنسان مبيتجزأش ، بيتشال على بعضه باكيدج واحدة .. وكل سنة وانتم طيبين .

#قطايف
رمضان 2025
الفانوس السحري
طول عمري عندي هواية السرحان
بمجرد ما بنفرد بنفسي بدوس على زرار وهمي وادخل العالم السحري بتاعي ، اللي صنعته من خيالاتي واللي أهم ما يميزه انه عالم بلا حدود ، النسخة البريميوم يعني من العالم الحقيقي بتاعي ، بمعنى ان كل اللي مبقدرش احققه في الواقع بحققه ف خيالي ، مرة اتخيل اني بقيت أغنى واحد في العالم ومشغل إيلون ماسك عندي ، ومرة أحلم اني جيبت جون في كاس العالم ، ومرة أحلم انى عزمت الباتشينو على كابيتشينو ..
المهم في يوم قررت الخص كل الأحلام دي في حلم واحد وهو ان يبقى معايه الفانوس السحري ، بمجرد ما اطلب ، المارد هيحققلي كل اللي نفسي فيه ..
ودا كان أجمل أحلامي على الإطلاق ، لأنه فتحلي بوابات لأحلام تانية كتير المارد بتاع الفانوس هيحققهالي .. لحد ما بدأت اتعلق بالفكرة الأسطورية دي واقول يااااه لو تبقى حقيقة .. أنا مش عايز اقولك اني بدأت ادخل على النت ادور على طريقة عمل الفانوس السحري في البيت ..
وبعدين في يوم فكرت قد إيه أنا خيالي ساذج ومحدود ، مش علشان بجري ورا حلم مش هيتحقق ، لكن علشان أنا في إيدي الأحسن منه وسايبه وبجري ورا الخيال .
أنا عندي كنز اسمه الدعاء .. إني أرفع إيدي للسما واقول يا رب .
لو فكرت شوية بس أنا بطلب من مين ، نظرتي للموضوع هتختلف .
أنا بطلب من الغني ، اللي يملك خزاين السماوات والأرض .
بطلب من الكريم ، اللي كل خلية في جسمي وكل نفس بتنفسه جميل من جمايله عليا .
بطلب من اللي محدش غيره هيحب طمعي فيه . يا أخي شوف الأنبيا كانوا بيطلبوا من ربنا ازاي واتعلم منهم ، كانوا بيطلبوا المعجزات والله ، وربنا كان بيديهالهم ، مش علشان هما أنبياء لكن علشان عندهم يقين انه كريم وأي شيء هتطلبه منه مش هيعجزه ، والكتير عندك قليل أوي عنده ..
شوف سيدنا زكريا طلب من ربنا إيه ، طلب يكون عنده ولد وهو طاعن في السن وزوجته عاقر ، يعني أي حد يقولك مستحيل يخلف ، لكن هو ولا فرق معاه الكلام دا ، كان عارف كويس هو بيطلب من مين ، فربنا اداله سيدنا يحيى ..
سيدنا سليمان لما طلب من ربنا قاله إيه ﴿ قَالَ رَبِّ اغْفِرْ لِي وَهَبْ لِي مُلْكًا لَّا يَنبَغِي لِأَحَدٍ مِّن بَعْدِي ۖ إِنَّكَ أَنتَ الْوَهَّابُ ﴾ مقالش كفاية المغفرة لوحدها ، لا دا عايز معاها الملك ، ومقالش أطلب أي ملك وخلاص ، قال ملك لا ينبغي لأحد من بعدي ، ختم كلامه بجملة عظيمة أوي : إنك أنت الوهاب ، الوهاب غير الواهب ، الواهب يديك مرة واحدة ، الوهاب كل ما تطلب منه هتاخد ، وبلا حساب ولا أسباب ..
سيدنا يونس كان في بطن الحوت ، فيه ضلمة وسواد أكتر من كدا ؟ فيه موقف يقولك ان الحياة شطبت أصعب من دا ؟ ومع ذلك دعى ربنا ، فربنا نجاه ..
سيدنا عيسى طلب من ربنا ينزله مائدة من السماء ، ما هي دي معجزة ، سيدنا موسى طلب من ربنا المايه ، استسقى لقومه ، ربنا طلعله المايه من قلب الصخرة .. ما هي دي معجزة
سيدنا إبراهيم طلب من ربنا يوريه ازاي بيحيي الموتى ، ما هي دي معجزة
الأنبياء مكانوش بيستعظموا أي طلب على الله ، ومكانوش بيتكسفوا يطلبوا من ربنا ، كانوا أذكى البشر ، وعارفين انهم قدام كنز مفتوح ، انت بقى مكسوف تدعي ربنا ليه ، متقوليش ذنوبي بقى وبتاع ، والله العظيم ربنا بيدي الطائع والعاصي ، ربنا لو هيعاملك بذنوبك مش هيسيبك على وش الدنيا أصلا ، متتكسفش واطلب ..
ثم إنه هو أصلا اللي أمرنا نطلب منه ﴿ وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ﴾
﴿ وَقَالَ رَبُّكُمُ ادْعُونِي أَسْتَجِبْ لَكُمْ ﴾
الجملة دي أصلا في اللغة العربية اسمها جملة شرطية ، أستجب لكم دا اسمه جواب الشرط ، زي لما تقول ذاكر تنجح كده
دا عرض مفتوح يا باشا .. اطلب هتاخد .. بس ثانية واحدة ، هتاخد اللي انت عايزه ؟ تؤ تؤ .. اللي انت محتاجه ويناسبك .
دا المارد بتاعك هو اللي ممكن يجيبلك اللي انت عايزه ، تقوله عايز أكل ، يجيبلك كل الأكل اللي في الدنيا ، مش مهم بعد كدا تموت بالتخمة .
تقوله عايز قوة يديك قوة مفرطة تدمر بيها نفسك وغيرك .
لكن ربك مبيديش كدا ، ربك كل عطاؤه خير . ومنعه برضه خير .
فيه واحد الفلوس تصلحه ، لو معاه فلوس هيعمل خير ، يديله فلوس ، وفيه واحد تاني الفقر يصلحه ، ويقربه .
فيه واحدة نفسك تتجوزها ، وبتدعي ليل نهار تبقى مراتك ، بس انت شايف تحت رجلك ، لكن ربك ، شايف الأبعد ، شايف ان حياتكم مع بعض هتبقى جحيم .
فيه شركة رايح تعمل فيها إنترڤيو وكل أملك تتقبل كموظف ، وتدعي وتدعي وتدعي ، وتلاقي نفسك اترفضت .. بس مين قالك انك بعد عشر سنين مش هتبقى صاحب الشركة دي ؟ يبقى لازم وانت بتدعي يا باشا يكون عندك ثقة في اللي بتدعيه وبتطلب منه أنه دايما شايلك الخير ، علشان كدا قال بعدها ﴿ فَلْيَسْتَجِيبُوا لِي وَلْيُؤْمِنُوا بِي ﴾
في كل الأحوال احنا عندنا كنز .
ربنا فاتحلنا خزاينه وبيقولنا شيلوا اللي تقدروا عليه .. الخير كتير ومش هيخلص ، اطلب انت بس .
مش هتلاقي حد يكرمك كدا ، ولا هتلاقي حد يعمل معاك اللي ربنا بيعمله معاك .
أطلب منه هو بس من غير ما تشرك معاه الأسباب ، ولح عليه في الطلب .
ادعي دايما دعاء المضطر ، عشان انت فعلا مضطر ، عشان طلبك لو ربنا ما صدقش عليه مش هتطوله ، محدش في الدنيا يقدر يديك حاجة ربنا مش موافق انك تاخدها .
متدعيش ربنا نزاهة ، متدعيش ربنا وانت بتجرب ، متدعيش ربنا تحصيل حاصل .
مفيش مسؤول إنسان زيك يا أخي هيمشيلك خدمة وانت رايح تطلبها منه وحاطط إيدك في جيبك وبتقوله مش فارق معايه أوي طلبي يتنفذ أو لأ ، ما بالك لو بتعمل كدا مع ملك الملوك .
اطلب واتمنى انت في نعمة كبيرة جدا ، انت قدامك منجم خيرات . ماتبخلش على نفسك , وكل سنه وانتم طيبين

رمضان 2025
#قطايف
ٍتاجر بعملة ربنا
تعرف عنترة بن شداد طبعا ، اللي هو الفنان فريد شوقي ، عنترة لما حب يتقدم لعبلة أبوها قاله لازم تروح بلاد الملك النعمان تجيبلي ١٠٠٠ ناقة حمرا وربع جبنة تركي ( أيوه ابوها كان اسكندراني )
عنترة راح وحاول يعمل النمرة بتاعته هناك ، بس رجالة الملك النعمان اتكاتروا عليه وعكشوه ، والملك قاله هديك اللي انت عايزه بس بشرط ، تشتغل معايه كام سنة كدا وتساعدني في حروبي وحواراتي على القبايل التانية .
عنترة وافق ، واشتغل معاه كام سنة وبعدين قرر ينهي إقامته وياخد القرشين بتوعه ويرجع بني عبس عشان يتجوز بلبلة ( هو كان بيدلعها كدا )
المهم يا سيدي ، الملك النعمان قاله انا مش هديك ألف ناقة عشان هيكلفوك في الجمارك ، أنا هديك حقك ناشف ، بوكيت موني يعني ، وليك يا عم عنترة في ذمتي ١٠٠ ألف ، بس محددش ١٠٠ ألف إيه ، دينار وللا درهم وللا ين ياباني .
عنترة قاله ١٠٠ ألف إيه يا مولاي لا مؤاخذة عشان نقفل الشيك ، الملك قاله لأ ياعنترة ، دا الواجب بتاع عمك النعمان بقى ، انا هسيبك انت تختار العملة اللي عايز تاخد أجرك بيها ، وأي عملة هتختارها هديك منها ١٠٠ ألف .
عنترة طبعا كان ناوي يشغل فلوسه في بني عبس ، واللي هنفترض ان عملتها كان اسمها سنكوح .
بدأ يقارن كل العملات اللي في السوق بالنسبة للسنكوح العبسي تعمل كام .
لقى عملة ب٥٠ سنكوح ، وعملة بـ ٣٠٠ سنكوح ، وعملة بألف سنكوح .
لو انت مكان عنترة ، تختار تاخد مكافأتك بأنهي عملة ؟
هو دا سؤال الحلقة .
أي حد عاقل عايز يستثمر ، وعنده فرصة يختار العملة اللي هيشتغل بيها ، طبيعي يختار أغلى عملة ، وأكتر عملة استقرارا . عشان يضمن انه هيكسب ومش هيخسر .
طيب انت تعرف ان الدنيا بتاعتنا دي فيها ٣ عملات بس .
الظلم والعدل والفضل ، والأخيرة دي هي العملة الخاصة والحصرية للبنك المركزي الإلهي ، عملة ربنا بس .. وهشرحلك دلوقتي الكلام دا يعني إيه .
لو انا استلفت منك ٤ جنيه - انا مش عارف إيه الظروف اللي ممكن تحوجني لحد في المبلغ دا بصراحه ؟! - بس نفترض ، لو رجّعتلك بعد كدا ال٤ جنيه دول زي ما هم ؟ دا اسمه عدل لأنك خدت حقك كامل ، طيب رجّعتلك ٢ جنيه وضربت على ٢ جنيه ؟ دا ظلم ، لأني كلت جزء من حقك ، لكن لو انت بسماحة نفس قولتلي مش عايز منك حاجة ياموحة ، وخلي فلوسك في جيبك ؟؟ دا بقى الفضل . – ياريتنى كنت طلبت 8 جنيه - .
وال٣ عملات دول مش في المعاملات المادية بس لأ في كل تعاملات حياتنا .
لو انا قولتلك كلمة زعلتك ، انت من حقك تردهالي كلمة زيها ، دا العدل ، وممكن متقدرش تردها ضعفا منك مثلاً فيبقى دا ظلم ، وممكن تعفو وتصفَح ، ودا الفضل .
عايز اقولك ان كل المؤسسات القانونية وكل أنظمة العالم بتسعى لتحقيق العدل ، القوانين أصلا اتحطت عشان تحافظ على العدل ، بين الزوج والزوجة ، بين الموظف والمدير ، بين البايع والشاري ( مش يفتح الله ) لأ ، دي حاجة تانية .
لكن مفيش منظمة في العالم تبنت فكرة التعامل بالفضل ، مع انه أحسن بكتير ، وطبيعي يكون أحسن لإنه عملة ربنا اللي بيتعامل بيها مع عباده .
أيوه أومال انت فاكر ان ربنا بيعاملنا بالعدل ؟؟!! انت عارف لو ربنا عاملنا بعدله هيحصل فينا إيه ؟ هنضيع .
ببساطة شديدة انت في أحسن الأحوال عبدت ربنا ٦٠ سنة ، تدخل الجنة ٦٠ سنة وشكرا ، مالكش حاجة تاني ، لكن انت ممكن ربنا يحسن ختامك ، وتمشي عدل بس آخر أسبوع في حياتك ، تدخل الجنة وتعيش فيها إلى ما لا نهاية ، دا اسمه فضل ربنا عليك ، وكدا كدا محدش هيدخل الجنة بعمله .. كلنا هندخل ان شاء الله برحمة ربنا .
ربنا بيدهشنا بفضله وكرمه وهو بيتعامل معانا ، يقولك الحسنة بعشرة ويضاعف لمن يشاء ، بس السيئة بسيئة واحدة ، دا فضل .
يقولك لو عملت حسنة تتكتب حالا ، ولو عملت سيئة يديك فرصة تتراجع عنها قبل ما يكتبها ، لو اتراجعت تتكتبلك بدالها حسنة ، ما هو دا فضل .
يقولك لو فكرت في حسنة ومعملتهاش يكتبهالك ، لكن لو فكرت في سيئة ومعملتهاش يكتبلك حسنة ، ما هو دا ياحبيبي فضل .. يبقى متقوليش ان ربنا بيتعامل معاك بالعدل .
وعلشان ربنا عارف ان عملة الفضل دي عملة صعبة علينا ، مفرضهاش بشكل رسمي ، بس فكرنا بيها بلطف ، وقالنا ﴿ وَلَا تَنسَوُا الْفَضْلَ بَيْنَكُمْ ﴾ يعني خليها في دماغك . لما تقدر تتعامل بيها يكون أحسن .
الأساس في أي شيء هو العدل ، ودا محدش هيلومك عليه ، بس الأحسن ليك وللناس انك تتعامل بالفضل
يعني مراتك مزعلاك ، من حقك تستنى لما هي تيجي تصالحك - وابقى قابلني لو دا حصل - بس برضو ميمنعش انك تخليها عليك شوية وتروح انت تصالحها ، دا مش هيقل منك والله بالعكس هايكبرك .
لو ليك حق عند حد - دين مثلا - من حقك تسجنه لو مسددش ، محدش هيقولك بتعمل كدا ليه ، بس تقدر - لو شايف ظروفه مزنقة وانت مش محتاج حقك أوي يعني - أنك تتنازل لوجه الله .
صاحبك الأنتيم آخر كام مكالمة بينكم انت اللي كنت متصل بيه ، وهو مبيتصلش بقاله فترة ، تقدر تستنى لما هو يكلمك ، وتقدر تبدأ المرادي كمان وتكلمه ، ودا اسمه الفضل .. وتطبيقاته في الحياة كتيرة أوي مش هنقدر نعدها كلها .
بس اللي عايزك تفهمه ان الحياه صعبه على الكل وهاتبقى أسهل وأجمل بكتير أوى لو كلنا أتعاملنا مع بعض بالفضل .
صدقنى من مصلحتك وانت بتستثمر في الحياة انك تشتغل بأغلى عملة واكتر عملة سوقها مستقر والتجارة فيها مربحة ، عملة ربنا .. الفضل .
وكل سنة وانتم طيبين .

رمضان 2025
#قطايف
الحلقة الثالثة : الحسد مذكور في القران
هسألك سؤال مالوش علاقة بموضوعنا أوي ، وجاوبني بسرعة من غير ما تفكر : جاهز ؟ إيه رأيك في كيد النسا ؟
كيد النسا شيء عظيم طبعا ، ومين اللي قال الكلام دا ؟ ربنا .. ما هو اللي قال إن كيدهن عظيم .. برافو عليك
أحب أقولك إن ربنا مقالش إن كيدهن عظيم ، أيوة أيوة صح افتكرت ، ربنا قال " إن كيدكن عظيم "
ولا ربنا قال دي كمان ، إيه دا يا عم سامح انت بتشكك في القرآن ، يا عم افهمني صح الله يخليك ، بدل ما تشيلني تهمة انا مش قدها ، حاشا لله مش بشكك ولا حاجة .. بس الصح انك تقول المعلومة كاملة ، كيد النسا اتذكر فعلا في القرآن ، بس على لسان مين ؟ من وجهة نظر مين ؟ ارجع للسياق ، دي جملة قالها عزيز مصر ﴿ فَلَمَّا رَأَىٰ قَمِيصَهُ قُدَّ مِن دُبُرٍ قَالَ إِنَّهُ مِن كَيْدِكُنَّ ۖ إِنَّ كَيْدَكُنَّ عَظِيمٌ ﴾
دي وجهة نظر العزيز اللي اتبناها في الموقف دا وتحت التأثير دا ، متعممهاش انت بقى وتقولي أصلها مذكورة في القرآن ، طب ما القرآن مذكور فيه ان فرعون قال لقومه ﴿ يَا أَيُّهَا الْمَلَأُ مَا عَلِمْتُ لَكُم مِّنْ إِلَٰهٍ غَيْرِي ﴾
ينفع توافق على الكلام دا ؟؟!! حلو أوي مترجعش بعد كدا حضرتك تقولي أصل الحسد مذكور في القرآن ، نورت هيئة المحكمة يا سيدي ، ما كلنا عارفين انه مذكور في القرآن ، بس هو القرآن قالك تخمس في وش الناس ، كان عندنا كتكوت وكبر ، كان عندنا بطه بتمشى كده ؟! يعني إيه الحركة دي أصلا ؟ هتفيدك بإيه ؟ بجد إيه القوة العجيبة اللي في رقم خمسة ، ليه مش اربعة وللا سبعة اشمعنى خمسة ؟
القرآن قالك علقي خرزة زرقا في رقبتك ؟ لا وبيحطوها في البروفايل بتاعهم دلوقتي ، عشان اللايكات متتحسدش طبعا
هل القرآن قالك تدِّعي الفقر والمرض والمشاكل عشان خايف تتنش عين ؟
الحسد بقى شماعة سخيفة وبايخة أوي بنعلق عليها كتير من سلبياتنا ..
يعنى أنت السكر على عليك بسبب الحسد مش بسبب صينية الكنافه إللى كلتها لوحدك أمبارح ؟ّ!
وانتي ولادك بيسقطوا في المدرسة مش عشان مبيذاكروش لكن عشان محسودين ؟ّ!
وانت طلقت مراتك 3 مرات مش عشان انت متهور وطايش ومعندكش تحكم في أعصابك لكن عشان نزلتوا صورتكم وانت عازمها على 6 كبدة ب12 جنيه ؟!
الحسد خلق لكل واحد فينا طابور من الأعداء الغير حقيقيين ، بقيت شايف كل الناس مركزة معاك ، كل الناس باصة للي في إيدك ، وانت ممكن أوي ميكونش فيه أي حد حاسس بوجودك أصلا ..
بقى مبرر رخيص وسهل للفشل والإهمال والكسل ..
بقى مرض وهمي انت مقتنع انه هيخلص عليك وهو في الحقيقة يروح بأسبرينة ..
هل مفيش حسد ؟ إذا كان ربنا قال ﴿ وَمِن شَرِّ حَاسِدٍ إِذَا حَسَدَ ﴾ عايزني انا اقولك مفيش ؟ لأ هو فيه ، بس ربنا سبحانه حاشاه إنه يقولك الداء وميذكرش معاه الدواء .. الدراما اللي احنا بنشتغلها بتعمل كدا أوقات كتير ، بتعرض المشكلة بس وتسيب النهاية مفتوحه ، تسيبك انت تفكر في الحل لأن صناع الدراما دول بشر مش مهمتهم يصلحوا الكون ، لكن القرآن مفيهوش الكلام دا ، لازم في كل مرة بتقول فيها الحسد مذكور في القرآن تكون عارف ان ربنا زي ما ذكر المشكلة ذكر حلها في نفس السياق ، هات الموضوع من أوله متاخدش منه آخر جملة بس ،
اللي قال في آخر كلامه ﴿ وَمِن شَرِّ حَاسِدٍ إِذَا حَسَدَ ﴾ قال في أول الكلام ﴿ قُلْ أَعُوذُ بِرَبِّ الْفَلَقِ ﴾ ، قدملك الحل قبل المشكلة نفسها ..
كل ذي نعمة محسود ، وفيه ناس كتير نفوسها مريضة ، مبتحبش تشوف الخير في إيد غيرها ، التعامل معاهم بسيط جدا ، وعلى روشتة ربنا ، اقرا المعوذتين ، تكفيك من كل شر ، لكن تخلق لنفسك بعبع ، وتعيش مع وسواس انك طول الوقت محسود ، وتقترح حلول ربنا مقالش عليها . سواء بخور بقى ، أمسك الخشب ، حصوة في عين مش عارف مين ، توَحَش شكلك ، تنكر نعمة ربنا عليك ، كل دي حلول ربنا مقالهاش ، يبقى متعملهاش عشان هتتعب نفسك على الفاضي
وفيه قناعة اتعلمناها من الشيوخ الكبار لو مشيت بيها مفيش حاجة وحشة هتصيبك إن شاء الله ..
ماتستكترش نعمة ربنا على نفسك ، يعني لو عجبتك صحتك شوية ، قول لنفسك وإيه يعني ، ما ربنا خلق ناس كتير أوي صحتهم أحسن مني ، لو حسيت ان القرش جري في إيدك ، قول لنفسك ودا يطلع إيه في خزاين ربنا ، دا ربنا عنده أكتر من كدا بكتير ..
امشي بالسياسة دي في كل حياتك ، ماتستقلش بنعمة ربنا ، لكن مستعظمهاش عليه ، خليك مدرك ان العطاء والمنع بإيد ربنا وحده ، والنفع والضرر بإيد ربنا وحده ..
ومفيش حاسد ولا حاقد ولا جن أزرق يعرف يعمل معاك حاجة ربنا مش عايزها تحصل ..
ربنا لما أمرك تتعوذ من الحسد مكانش بيحميك من زوال النعمة بس ، دي أبسط حاجة ممكن تحصلك ، الحسد زي كرة النار ، طول ما هي مع صاحبها بتحرق فيه ، ولو رماها على غيره تحرق غيره ..
الحسد ممكن يوصّل الطرفين لمنطقة وحشة أوي ، هتضرهم هم الاتنين ، عارف إيه المنطقة دي ؟ منطقة التعارض مع قرارات ربنا ، الخروج ولو سنتي واحد برا دايرة التسليم ، وهي دي المصيبة الكبرى ، الحاسد والمحسود معرضين يقعوا في الفخ دا ، مستغرب . صح ؟ هقولك ازاي ..
الحاسد شخص مستكتر نعمة ربنا على عباده ، بيقول لنفسه هو دا يستاهل كل دا ؟؟!! وشعاره في الحياة ، يدي الحلق للي بلا ودان ، طب هو مين اللي بيدي ؟ بيتِّهم ربنا في حكمته وفي عدالة توزيعه للنعم والعطايا ، تفتكر دي حاجة بسيطة ؟
طيب والمحسود ؟ المحسود لو ممشيش على الوصفة بتاعة ربنا ، وعرف كويس ان النفع والضرر بإيده هو سبحانه وحده ، هيخاف النعمة اللي ربنا ادالهاله شخص تاني ياخدها منه ، تخيل تخاف على ابنك من واحدة بتقول عليها عينها وحشة ، دا يتترجم ازاي ؟ ان ربنا وهبك هبة وقرر انها بتاعتك ، وانت خايف من مخلوق زيك انه يضيعها منك ..
لأ وبتعمل إيه !! تعملى عروسة ورق وتحرقها ، بتستعين بحاجات ما أنزل الله بها من سلطان ، يعني الحاجات دي هي اللي هتحمي ابنك وربنا ميقدرش يحميه ؟!! طب ما ترفع إيدك وقول يا رب احمي ابني واحفظه ، مش دي أسهل ؟ آهي دي مشكلة أكبر من زوال النعمة أصلا .. شوفت الحسد ممكن يوصل الطرفين لإيه ؟

سامح حسين ممثل كوميدي مصري ومن أشهر أعماله مسلسل السيت كوم ( راجل وست ستات ) بدور رمزي الشاب أبن عم عادل ( أشرف عبد الباقي )
وأشتهر بجملته الشهيرة بالمسلسل ( دولة حبيبي ) وأصبح أحد النجوم الأساسيين في نجاح المسلسل. كما قدم سامح حسين الكثير من الأعمال الفنية التي يغلب عليها الطابع الكوميدي مثل ( مسلسل عبودة ماركة مسجلة و مسلسل اللص والكتاب)

رمضان 2025
#قطايف
الحلقة الثانية .. البقاء لله

البقاء لله
في حياتي كلها سمعت كلام كتير أوي ، سمعت عدد من الجمل لا يمكن حصره ، لكن أصدق جملة سمعتها في حياتي كلها هي جملة " البقاء لله " اللي بنقولها لبعض في المياتم دي واحنا بنشرب فنجان القهوة السادة - صحيح هو احنا ليه بنشرب قهوة سادة في العزا ؟ ليه مش مانو بن محوج ؟ - ما علينا نبقى نشوف الموضوع دا بعدين ..
جملة البقاء لله هي جملة من كلمتين بيمثلوا الحقيقة المطلقة في عالم مفيهوش أي شيء مؤكد ..
البقاء هو الغريزة الأم ، وكل الغرايز التانية بتتفرع منها .. بنجوع علشان ناكل فلما ناكل نعيش - بناكل عشان نعيش واخد بالك ؟ مش بنعيش عشان ناكل - .
بنعطش عشان نشرب فنعيش .
بنخاف علشان لما نخاف نهرب من المخاطر ، منروحش مثلا نرمي نفسنا في النار أو من فوق قمة عالية ، بنعمل كدا عشان نعيش .
حتى غريزة التقزز ، ثبت علميا ان الإنسان الأول كان بيقرف من أي شيء مش مألوف ، ودي وسيلة حماية . ربنا زرعها جواه علشان مياكلش سم يقتله . حتى الشعور بالألم بيعرفنا إن فيه حاجه غلط أو مرض لازم نعالجه .
شهوة الراجل للست أو الست للراجل ، وراها برضو غريزة البقاء ، علشان يخلفوا مخلوق يخلد وجودهم في الدنيا . ويزعجهم برضو ويهريهم مصاريف وتمارين ودروس ، وكل دا على قلبنا بيبقى زي العسل ، عشان غريزة البقاء .
كلنا بنتشعبط في قطر التاريخ ، كلنا عايزين الناس تفضل فاكره أسامينا بعد مانموت .
من أول الفراعنة اللي كانوا بينقٌشُوا على الحجارة ، لحد الفلاح البسيط اللي بيحلم يخلف طفل يشيل إسمه بعد ما يموت
كلنا بنجري ورا البقاء بس مفيش حد فينا باقي . هنمشي ، وهنسيب العالم دا ، و بعد فترة طالت أو قصرت هنتنسي وآثارنا كلها هتتمسح ولا كأننا كنا موجودين .
تعرف اسمك لحد الجد الكام ، الرابع ؟ السادس ؟ العاشر ؟ طب جدك العشرين كان اسمه إيه ؟ مش مكسوف من نفسك تبقى كبير كدا ومتعرفش اسم جدك ؟ يا عم بهزر معاك هو مين فينا يعرف اسم جده العاشر حتى ..
الراجل اللي كان عايش من ١٠٠٠ سنة وخلف سلسلة ممتدة من البشر لحد حضرتك .. تعرف كان اسمه إيه ؟
تعرف جنسيته كانت إيه ؟ كان عربي وللا هندي وللا قبطي ؟
تعرف كان شكله إيه ، كان عايش ازاي ؟ كان سعيد في حياته وللا حزين ؟ كانت جدتك الكبيرة منكدة عليه وللا كانت فرفوشة ؟ مش هتعرف ..
عموما هو كان زينا بالظبط ، كان بيصارع كل ظروف الحياة ، بيشتغل بيتعب بيحلم ، كان عنده مشاكل ومتاعب وقصة طويلة مليانة أحداث كلها اتبخرت .. وكان عايز يخلف حد يشيل اسمه ويخلد وجوده في الدنيا ، وخلف بالفعل ، بس برضو اتنسى كأنه لم يكن ، بقى هو والعدم سواء ، مالوش أي وجود دلوقتي ولا حد يعرف عنه أي حاجة غير ربه ، وأكيد هو فهم دلوقتي ان البقاء اللي عاش طول عمره يجري وراه ، لله وحده .
الفكرة دي كفيلة تخلي الواحد يفهم مدى تفاهة الحياة دي ، احنا بنهلك نفسنا عشان شوية كلام فارغ .
بنتعب شوية نجري على الدكتور .
بنخاف من الكهربا ومن البحر ومن الطرق السريعة ، وبنعمل أي شيء في الدنيا يبعدنا عن الموت ولو يوم واحد ، ومع ذلك بنموت برضو في الآخر .
بنموت بكل سهولة .
الموت أبسط وأسهل أحداث حياتنا على الإطلاق ، أسهل من تجديد رخصة العربية ، وأسهل من مشوار الشهر العقاري ، ويوم وفاة أي شخص هيعدي أبسط بكتير من يوم فرحه اللي بيقعد يحضرله من قبلها بسنة على الأقل .
جسمنا اللي احنا بنخاف عليه دلوقتي من الهوا ، هيترمي في التراب وهيدوب زي أي قميص قديم عندنا مبقيناش نلبسه تاني .
والناس اللي حوالينا دي كللللها هتنسانا ، هتسقطنا من حساباتها .
وانا عايش تليفوني بيرن ، وباب بيتي بيخبط ، مراتي بتعمل حسابي في العشا ، واصحابي بيفتكروا عيد ميلادي عشان يهنوني ، بعد ما اروح هناك هيتشطب عليا وهتشال من قايمة اهتمامتهم ، وسيرتي هتيجي بعد كدا كل فترة بالصدفة ، يتكلموا عني خمس دقايق وبعدين كل واحد يكمل اللي كان بيعمله .
انت وانا دلوقتي شايفيين نفسنا محور أحداث الكون ودا حقنا .
بس المفاجأة الغير سعيدة ان يوم وفاتنا هيكون يوم عادي جدا ، هيكون فيه ماتش كورة ناس بتتفرج عليه ، وفيلم كوميدي ناس بتضحك عليه ، وخناقة في الشارع عشان سواق عربية كارو قافل الشارع ونزل يشتري بطاطا .
الحياة هتمشي بخطوتها العادية جدا ، لا هتسرع ولا هتبطأ ولا الكوكب هيبطل دوران ويقف دقيقة حداد على روح أي حد .
خبر وفاة أي إنسان هيبقى مجرد سطر على التايم لاين ، الناس هتقراه وهتنزل تعمل لاڤ أو هاها على البوست اللي بعده . عادى
الشيء المضحك في الموضوع اننا بنعدي على تاريخ وفاتنا مرة كل سنة من غير ما نعرف .
تخيل ان يوم تاريخ ميلادك ويوم تاريخ خطوبتك وتاريخ جوازك ويوم عيد الأم ويوم عيد الحب وتاريخ تعيينك في الشغل ، كل دي تواريخ انت عارفها وحافظها وبتحتفل بيها .
وتاريخ وفاتنا بيعدي علينا مرة كل سنة واحنا بنعمل أي حاجة ومش في دماغنا ، لأننا أصلاً مانعرفهوش .
أنا حاسس اني نكدت عليك شوية . صح ؟ معلش أنا مش هقفل الحلقة قبل ما اصالحك واقولك الجانب الحلو في كل الكلام دا ، عارف إيه أحلى حاجة في كل اللي انا قلته دا ؟ إن البقاء لله ..
لا فيه حزن هيدوم ، ولا فيه تعب هيدوم ولا ظلم ولا خداع ولا أي حاجة وحشة هاتدوم .. أما الحلو اللي في حياتك دلوقتي مجرد عينات ، متزعلش انك هتسيبها ، لأنك ان شاء الله هتروح للي أحلى منها بكتير ..
الدنيا فاصل إعلاني قصير ، هيخلص هيخلص ، عشان تبدأ القصة الحقيقية اللي انا وانت جينا هنا علشانها .. ربنا يدينا ويديكم طولة العمر جميعًا ، وكل سنة وانتم طيبين .

سامح حسين ممثل كوميدي مصري ومن أشهر أعماله مسلسل السيت كوم ( راجل وست ستات ) بدور رمزي الشاب أبن عم عادل ( أشرف عبد الباقي )
وأشتهر بجملته الشهيرة بالمسلسل ( دولة حبيبي ) وأصبح أحد النجوم الأساسيين في نجاح المسلسل. كما قدم سامح حسين الكثير من الأعمال الفنية التي يغلب عليها الطابع الكوميدي مثل ( مسلسل عبودة ماركة مسجلة و مسلسل اللص والكتاب)


رمضان 2025
الحلقة الاولي من #قطايف
إلا من أتى الله بقلب سليم
بيقولك يا سيدي فيه ملك هندي زماااان أوي حب يدي جايزة كبيرة لواحد من الرعية، فحطله تحدي مقابل الجايزة دي، اداله جلابية بيضا طويلة، بس مش بيضا عادي، ناصعة البياض، وقاله خد الجلابية دي يا وحش وروح بيتك، وبكرا الصبح من بدري تضرب الجلابية وتجيلي القصر، لو لقيتها بيضا زي ما سلمتهالك، انت كدا كسبت الجايزة، الراجل قال إيه الرهان السهل دا ؟ الملك دا هندي وللا إيه، ماشي يا مولاي، نجيلك بيها بيضا إيه المشكلة يعني .
روح البيت لقى مراته هتموت وتفتح الشنطة وتعرف إيه اللي فيها، بس هو مش عايز حد يلمس الجلابية، قام قالها ان الشنطة فيها مانجا هندي، ويظهر ان مراته كان عندها فوبيا من المانجا زي الفنان محمد ممدوح فمقربتش من الشنطة..
صحي الراجل من الصبح بدري، لبس الجلابية بتاعته بحذر عشان إيده متبصمش، وخرج من بيته طلع على موقف عبود بتاع الهند، وركب أول ميكروباص، وقعد في آخر كنبة عشان محدش يخبط على كتفه ويقوله خد اتنين من الروبية ..
الست اللي كانت قاعدة جنبه كانت بردانة تقريبا فبدأت تعمل معاه نوش عشان يقفل الشباك، ومع إنه كان حران ومخنوق بس قفلها الشباك واشترى دماغه بدل ما هي تمد ايدها وتقفله بنفسها فتلمس الجلابية ..
وهو ماشي حذر كان فيه واحد فارش فرشة كدا بيبيع عليها تمر هندي، رمى بلاه عليه وقاله انت خبطتلي الفرشة ودلقت التمر، محبش يدخل نفسه في هرتك، قاله يابا أحلى مسا عليك، واداله قرشين تعويض وكمل طريقه ..
وفضل طول الطريق يجنب نفسه حوارات وصراعات مكانش متخيل أصلا انه ممكن يقابلها، كان هدفه الوحيد انه يوصل قصر الملك والجلابية لسه بيضا، كسب الرهان، بس عرف قد إيه الحكاية مكانتش سهلة، وانت كمان أكيد متخيل دلوقتي انها مش سهلة ..
لكن عارف إيه التحدي الأصعب من تحدي الجلابية البيضا دا ؟ التحدي بتاعي انا وانت في الحياة ..
مش أننا نجمع كوينز زي الواد بتاع سابواي، ولا إننا نقعد على أكبر عدد من كراسي السلطة، ولا إننا نحقق أكبر قدر من الإنجازات والمكاسب، كل دا مش مهم صدقني، التحدي الوحيد هو اننا نوصل في آخر الرحلة عند ملك الملوك وقلوبنا بيضا زي ما استلمناها ..
اننا نصون العهدة اللي ربنا إئتمننا عليها ومنبوظش فيها حاجة
" إلا من أتى الله بقلب سليم "
خليك عارف ان كل تحدي خارج التحدي دا هو فخ بتنصبهولك الحياة، وتوريطة بتدخلك فيها عشان توسخلك قلبك ..
المنصب اللي مستعد تدفع عمرك كله عشان توصله، الفلوس اللي عايش عشان تستفها وترصها، العيال اللي فنيت حياتك ليهم .. ملفات الانتقام اللي مالية ادراج عقلك، والناس اللي عايز تثبتلهم حاجات، وسباقات الخيل اللي بتجريها وتراهن فيها على نفسك..
كلها اشتغالات يا صاحبي الهدف منها ان جلابيتك تتوسخ فتخسر السبق الكبير ..
سيب الناس يطحنوا بعض في ماتشات الدنيا وعدي انت بعهدتك سليمة، ومتتهزش لو ضحكوا عليك يومين، لأنك بعد كدا هتضحك عليهم لأبد الآبدين، وكل سنة وانت طيب ..

يمكنكم متابعة أخبار وأعمال سامح حسين الفنية من خلال القناة الرسمية :https://bit.ly/2ZKGV99

ترمب يتفق مع الهند على دعم "الممر الاقتصادي بين الهند والشرق الأوسط وأوروبا"..
لماذا يصر بنيامين نتنياهو على إيجاد بديل لقناة السويس؟
مصادر #المُخبر:
https://www.whitehouse.gov/rem....arks/2025/02/remarks
https://www.nytimes.com/1956/0....8/11/archives/israel
https://archive.ph/BvTnq#selection-1749.1-1769.323
https://www.atlanticcouncil.or....g/blogs/the-india-mi
https://www.reuters.com/articl....e/business/energy/is
https://www.haaretz.com/israel....-news/2021-04-01/ty-
https://www.osti.gov/opennet/s....ervlets/purl/453701.
https://link.springer.com/chap....ter/10.1007/978-3-03
https://history.state.gov/hist....oricaldocuments/frus
https://www.goodreads.com/book..../show/52845149-a-sta
https://www.haaretz.com/2003-1....1-12/ty-article/neta
https://www.haaretz.com/2014-0....2-14/ty-article/.pre
https://www.haaretz.com/2003-1....1-26/ty-article/forg
https://www.haaretz.com/israel....-news/2023-01-17/ty-
https://www.forbes.com/sites/r....obinandrews/2018/08/
https://academic.oup.com/ia/ar....ticle-abstract/73/3/
https://archive.org/details/be....ngurionintelle0000ke
https://www.cambridge.org/core..../journals/internatio
https://www.kapsarc.org/wp-con....tent/uploads/2023/10
https://arabic.cnn.com/middle-....east/article/2023/09
https://carnegieendowment.org/....sada/2023/12/the-ind

#المُخبر_الاقتصادي+
https://www.youtube.com/c/MokhbirEqtisadi

كن جزءاً من مجتمعنا
https://goo.gl/sCG87B

لمتابعتنا على
https://twitter.com/ajplusarabi
https://www.facebook.com/ajplusarabi
موقعنا: http://ajplus.net/arabi

سورة الكهف - سورة 18 - عدد آياتها 110
سورة الكهف مكتوبة كاملة قراءة فقط
سورة الكهف كاملة | من أروع ما جود الشيخ عبد الباسط عبد الصمد
سورة الكهف بصوت عبد الباسط عبد الصمد مرتل mp3
الاستماع الى سورة الكهف بصوت عبدالباسط عبدالصمد
سوره الكهف كامله من اروع ما جود الشيخ عبد الباسط عبد الصمد - رحمه
سورة الكهف كاملة سورة الكهف كاملة سورہ کہف عبدالباسط عبدالصمد #سورة_الكهف #عبد_الباسط.
#سورة_الكهف كاملة ( أستمع و اقرأ ) من أروع ما جود الشيخ
سورة الكهف كاملة | عبد الباسط عبد الصمد | مرتل رواية حفص
سورة الكهف عبد الباسط بدون نت
تلاوة فائقة الجمال لسورة الكهف كاملة - الشيخ عبدالباسط
عبد الباسط عبد الصمد مجود سورة الكهف mp3
سورة الكهف الشيخ عبد الباسط عبد الصمد
„ سورة الكهف كاملة | من أروع ما جود الشيخ عبد الباسط عبد الصمد Surah Al Kahf
سورة الكهف - سورة 18 - عدد آياتها 110
سورة الكهف كاملة | من أروع ما جود الشيخ عبد الباسط عبد الصمد Surah Al Kahf
عبد الباسط سورة الكهف
سورة الكهف عبد الباسط mp3
تحميل سورة الكهف عبد الباسط Mp4
سورة الكهف عبد الباسط عبد الصمد بدون اعلانات
تحميل سورة الكهف عبد الباسط دندنها
عايزه سورة الكهف قراءة
سورة الكهف mp3
عبد الباسط عبد الصمد سورة البقرة
سورة الكهف مكتوبة كاملة
سورة الكهف مكتوبة بخط كبير
سورة الكهف mp3
سورة الكهف pdf
سورة الكهف يوم الجمعة
سورة الكهف كاملة بالصور
سورة الكهف مكتوبة بخط كبير pdf
سورة الكهف مكتوبة في صفحة واحدة

سورة الكهف الشيخ عبد الباسط عبد الصمد
„ سورة الكهف كاملة | من أروع ما جود الشيخ عبد الباسط عبد الصمد Surah Al Kahf
سورة الكهف - سورة 18 - عدد آياتها 110
سورة الكهف كاملة | من أروع ما جود الشيخ عبد الباسط عبد الصمد Surah Al Kahf
عبد الباسط سورة الكهف
Surah Al Kahf FULL
القرآن الكريم/ سورة الكهف الشيخ عبد الباسط عبد الصمد
سورة الكهف Surah Al Kahf FULL
cave Sora
عبد الباسط عبد الصمد سورة الكهف
गुफा सोरा
الْكَهْفِ
Gua Abdul Basit
سورة الكهف عبد الباسط عبد الصمد
قراءة سورة الكهف مكتوبة كاملة بخط كبير - القرآن الكريم
سورة الكهف - AlKahf | نص مكتوب بالخط الرسم العثماني
الكهف عبد الباسط عبد الصمد
سورة الكهف كاملة من اروع ما جود الشيخ عبد الباسط عبد الصمد Surah Al-Kahf
Grotte Abdul Basit
غار عبدالباسط
سورة الكهف الشيخ عبد الباسط عبد الصمد
Mağara Abdul Basit
كاملة جودة عالية من اروع ما جود الشيخ عبد الباسط عبد الصمد Surah Al-Kahf
yungib Sora
تابعونا على فيس بوك https://bit.ly/3C4Ss90
المصحف المجود كامل https://bit.ly/3adNx6G
اشترك فى القناه من هنا |https://bit.ly/2fcihuk
سلسلة أروع التلاوات ​https://bit.ly/3Hf2aox
القران الكريم | The Holy Quran
روائع فضيلة الشيخ / عبد الباسط عبد الصمد
ٍٍSheikh Abdulbasit Abdussamad
#الكهف لا تنسي الضغط علي زر الإشتراك :
https://bit.ly/Rawae_abdelbasset
#روائع_عبد_الباسط #عبدالباسط_عبدالصمد #قران_كريم ----
تابعونا على فيس بوك https://bit.ly/3C4Ss90
المصحف المجود أجزاء https://bit.ly/3eyC7Mx
سلسلة أروع التلاوات ​https://bit.ly/3Hf2aox
القران الكريم | The Holy Quran
روائع فضيلة الشيخ / عبد الباسط عبد الصمد
Sheikh AbdulbasitAbdusamad
قال عليه الصلاة والسلام :
من دعا إلى هدى ، كان له من الأجر مثل أجور من ا تبعه ،
لا ينقص ذلك من أجورهم شيئا) رواه مسلم .
نتمنى لكم سمعاً طيباً .

"الله يسامحك" هي أغنية جديدة للفنان عمرو لطفي والفنانة سهيلة، الأغنية من كلمات الشاعرة كوثر حجازي، وألحان الراحل محمد عبد المجيد، وتوزيع أحمد المغربي.
تدور فكرة الأغنية حول المشاكل العاطفية من وجهة نظر كلا الطرفين، حيث يعبر كل منهما عن شعوره بالظلم في العلاقة
أعربت الشاعرة كوثر حجازي عن سعادتها بالتعاون مع عمرو لطفي، مؤكدةً أنه فنان موهوب جدًا، وأنها استمتعت بالتعامل معه.

فيديو كليب "ياناس حرام عليكو" للفنان أحمد شيبة هو عمل فني بالذكاء الصناعي مليء بالطاقة والعاطفة، يعكس الأسلوب المميز للفنان في تقديم الأغاني الشعبية المصرية. الكليب يتميز بإيقاع سريع ومبهج، مع استخدام للألوان الزاهية والإضاءة القوية التي تعكس جو المرح والاحتفال.

في الفيديو، يظهر أحمد شيبة وهو يؤدي الأغاني بكل حماس، مع وجود مجموعة من الراقصين والراقصات الذين يضيفون لمسة من الحركة والحيوية للمشهد. كما يتميز الكليب بوجود مشاهد تصويرية في مواقع مختلفة، مثل الشوارع المزدحمة والأماكن المفتوحة، مما يعكس طبيعة الحياة الشعبية في مصر.

الكليب بشكل عام يعبر عن الفرح والمرح، مع لمسة من الحنين إلى الأغاني الشعبية القديمة، مما يجعله عملًا يجذب الجمهور من مختلف الأعمار.

⁣مسلسل "الليل وآخره" هو دراما مصرية تدور أحداثها حول قصة حب معقدة بين شخصين من خلفيات اجتماعية مختلفة. يتناول المسلسل قضايا اجتماعية وإنسانية متعددة، مثل الفقر، والطبقية، والصراع بين الحب والمصالح الشخصية. يتميز المسلسل بأداء قوي من قبل الممثلين وقصة مشوقة تجذب المشاهدين.
⁣مسلسل "الليل وآخرة" يضم نخبة من الممثلين المصريين البارزين. إليك بعض الأسماء الرئيسية:

- **يحيى الفخراني** في دور رحيم المنشاوي
- **نرمين الفقي** في دور حسنات
- **هدى سلطان**
- **رشوان توفيق**
- **نهال عنبر**
- **طارق لطفي**
- **سعاد نصر**
- **محمد كامل**
- **إبراهيم يسري**
- **جمال إسماعيل**
- **هشام عبد الله**
- **داليا إبراهيم**
- **نبيل نور الدين**
- **أحمد الدمرداش**
⁣المسلسل من إخراج رباب حسين وتأليف محمد جلال عبد القوي
⁣تم إنتاج وعرض مسلسل "الليل وآخرة" في شهر رمضان عام 2003. المسلسل يتكون من 34 حلقة.